అనుష్క శెట్టి సినిమాకి….హీరో ధనుష్ వాయిస్ అదుర్స్
అనుష్క శెట్టి మరియు నవీన్ పొలిశెట్టి నటించిన సినిమా ‘మిస్ శెట్టి మిస్టర్ పోలిశెట్టి’. ఈ సినిమా నుంచి విడుదలైన టీజర్ ఇప్పటికే ప్రేక్షకులను ఆకట్టుకుంది. మహేష్ బాబు పి దర్శకత్వం వహించిన ఈ చిత్రం మొదటి సాంగ్ ఇంటర్నెట్‌లో మంచి స్పందన లభిస్తుంది. ఈ రోజు ఈ చిత్రం నుండి మరో పాట ని విడుదల చేశారు. ఈ సాంగ్ ని హీరో ధనుష్ పాడటం విశేషం.
ధనుష్ గతంలో ఇలా ఎన్నో సాంగ్స్ పాడి ప్రేక్షకులని అలరించారు. ఒక సింగర్ గా ఆయన ప్రతిభ గురించి ప్రత్యేకంగా చెప్పక్కర్లేదు. ముఖ్యంగా, ధనుష్ పాడిన ‘కొలవరి’ సాంగ్ ఇప్పటికి ట్రెండ్ సెట్టర్ లా నిలిచింది. ఇక ఇప్పుడు అనుష్క శెట్టి మరియు నవీన్ పొలిశెట్టి సినిమాలో హతవిధి సాంగ్ కి తన గాంత్రంతో మరింత వన్నె తెచ్చిపెట్టారు ఈ హీరో.
ఈ హతవిధి పాటను ఈ రోజు చిత్ర నిర్మాతలు ఆవిష్కరించారు. విడుదలైన కాసేపట్లోనే ఈ సాంగ్ చార్ట్‌బస్టర్ గా నిలిచింది. నవీన్ పొలిశెట్టి నిస్పృహతో ఈ పాట మొదలవుతుంది. హీరో తన భవిష్యత్తు తెలియడం కోసం చిలక దగ్గరకు వెళితే, ఆ చిలక కూడా పారిపోతుంది. అలా తన లైఫ్ లో ఏదైనా చేద్దాం అనుకుంటే అది జరగకపోవడం అనే కాన్సెప్ట్ తో సాంగ్ కొనసాగుతుంది.
అలాగే, తనకు ఎదురవుతున్న సంఘటనల వల్ల హీరో ఎంత నిరుత్సాహానికి లోనవుతాడో దర్శకుడు ఈ పాటలో స్పష్టంగా చూపించారు. ఇక లిరిక్స్ విషయానికి వస్తే ‘బుల్లిచీమ బతుకుపై… బుల్డోజరైందాయ్’ అనే పంచులతో మిస్టర్ శెట్టి జీవితాన్ని స్పష్టంగా వివరిస్తుంది. ఇంత మంచి లిరిక్స్ ని ఈ సాంగ్ కి రామజోగయ్య శాస్త్రి అందించడం మరో విశేషం.
రామజోగయ్య శాస్త్రి లిరిక్స్ తో పాటు, ధనుష్ గొంతు మరియు సంగీత దర్శకుడు రధన్ మ్యూజిక్ ఈ సాంగ్ ని ప్రేక్షకులకు మరింత దగ్గర చేస్తుంది. ఈ సాంగ్ విన్న ప్రతి ఒక్కరు, ఒక లిరిక్ దగ్గర తమ లైఫ్ గుర్తు చేసుకోక మానరు.
ఇక సినిమా విషయానికి వస్తే మిస్ శెట్టి మిస్టర్ పోలిశెట్టి చిత్రం, పూర్తి స్థాయి కామెడీ సినిమాలో నవీన్ మరియు అనుష్క ప్రధాన పాత్రలు ఉండబోతున్నాయి.
