Mistake Official Trailer : పలు సినిమాల్లో నటుడిగా మెప్పించి ఇటీవలే రామ్ అసుర్ సినిమాతో హీరోగా కూడా మెప్పించిన అభినవ్ సర్దార్ ఇప్పుడు మిస్టేక్ సినిమాతో రాబోతున్నారు.
ప్రముఖ కొరియోగ్రాఫర్ భరత్ కొమ్మాలపాటి దర్శకత్వంలో అభినవ్ సర్దార్ హీరోగా ఆయన సొంత నిర్మాణంలో ASP బ్యానర్ పై మిస్టేక్ సినిమా తెరకెక్కుతుంది. ఇప్పటికే సినిమా పోస్ట్ ప్రొడక్షన్ కార్యక్రమాలు పూర్తిచేసుకొని విడుదలకు సిద్ధంగా ఉంది.
Mistake Official Trailer తాజాగా మిస్టేక్ సినిమా ట్రైలర్ లాంచ్ ఈవెంట్ హైదరాబాద్ దసపల్లా హోటల్ లో గ్రాండ్ గా జరిగింది. 100కి పైగా సినిమాల్లో మనందరినీ మెప్పించిన హీరో శ్రీకాంత్ మిస్టేక్ ట్రైలర్ లాంచ్ ఈవెంట్ కి ముఖ్య అతిథిగా విచ్చేశారు. అలాగే బిగ్‌బాస్ ప్రముఖులు VJ సన్నీ, మానస్, సోహైల్, సింగర్ రేవంత్, నటుడు బెనర్జీ, లోహిత్ కుమార్, విక్రమాదిత్య, ఇన్‌కం ట్యాక్స్ కమిషనర్ జీవన్, లగడపాటి శ్రీధర్, చైతన్యకృష్ణ.. పలువురు సినీ, వ్యాపార ప్రముఖులు విచ్చేశారు. హీరో శ్రీకాంత్ ట్రైలర్ ని ఆవిష్కరించారు. యాక్షన్, కామెడీ, సస్పెన్స్, థ్రిల్లర్ అంశాలతో మిస్టేక్ ట్రైలర్ అందర్నీ మెప్పించింది. అభినవ్ సర్దార్ సిక్స్ ప్యాక్ తో చేసిన యాక్షన్ సీన్స్ అందర్నీ ఆకట్టుకున్నాయి.
ఇక ఈ ఈవెంట్ కి వచ్చిన ప్రముఖులంతా, చిత్రయూనిట్ తమ లైఫ్ లో జరిగిన మిస్టేక్స్ ని షేర్ చేసుకున్నారు. కొంతమంది సరదాగా మాట్లాడి ఎంటర్టైన్ చేశారు. ఈవెంట్ కి విచ్చేసిన ప్రముఖులు చిత్రయూనిట్ ని అభినందించి సినిమా పెద్ద సక్సెస్ అవ్వాలని కోరుకున్నారు. మిస్టేక్ సినిమా త్వరలోనే థియేటర్స్ లోకి రానుంది.
మిస్టేక్ ట్రైలర్ లాంచ్ ఈవెంట్‌లో హీరో శ్రీకాంత్ మాట్లాడుతూ.. సర్దార్ నాకు తమ్ముడు లాంటోడు, మంచి ఫ్రెండ్. ఎప్పట్నుంచో అతను నాకు తెలుసు. చాలా రంగాల్లో సర్దార్ విజయం సాధించాడు. సినిమాల్లో నిర్మాతగా ఉండాలంటే కష్టం. కానీ కథని నమ్మి సర్దార్ నిర్మాతగా వచ్చాడు. ఈ సినిమా మీద సర్దార్ కి ఒక మంచి కాన్ఫిడెన్స్ ఉంది. ఈ సినిమా మంచి సక్సెస్ అవుతుంది. విలన్ గా నాకు పోటీ వచ్చిన పర్లేదు. చిన్న సినిమాలే మంచి సక్సెస్ సాధిస్తాయి. ఈ టీంకి పనిచేసిన వాళ్లందరికీ అల్ ది బెస్ట్ అని తెలిపారు.
అభినవ్ సర్దార్ మాట్లాడుతూ.. నేనొక చిన్న యాక్టర్ ని. నా కోసం ఎక్కడెక్కడ్నుంచో వచ్చారు. నా కోసం ఇంత ప్రేమ చూపిస్తున్నందుకు నేను శిరస్సు వంచి నమస్కరిస్తున్నాను. ఇది ఒక చిన్న సినిమా. మన అందరికి మెగాస్టార్ చాలా ఇష్టం, ఆయన వరకు మనం వెళ్లకపోవచ్చు కానీ నా మెగాస్టార్ మాత్రం మీరే శ్రీకాంత్ అన్న. ఏ టైంలో కాల్ చేసినా డైరెక్ట్ లిఫ్ట్ చేసి మాట్లాడాతారు. ఎంత ఎదిగినా ఇలా సింపుల్ గానే ఉంటారు. శ్రీకాంత అన్న అడగ్గానే ఈవెంట్ కి వచ్చారు. నాకు సొంత అన్నలాగా ఉంటారు.
ఇండస్ట్రీలో చాలా బాగా సపోర్ట్ చేస్తారు. ఈ సినిమా కూడా ఒక మిస్టేక్ తోనే మొదలుపెట్టాం. నేనెప్పుడూ కాంప్రమైజ్ అవ్వలేదు. చాలా పర్ఫెక్షన్ తోనే అన్ని చేస్తాను. 2010 నుంచి సినిమాలు చేస్తున్నాను. నేను ఎన్ని బిజినెస్ లు చేసినా, సినిమాలు, సోషల్ సర్వీస్ చేసినా చాలా క్లారిటీగా, 100 శాతం చేస్తాను. డైరెక్టర్ భరత్ కథ చెప్పగానే ఈ సినిమాకు ఓకే చెప్పాను. ఈ సినిమా చేసేటప్పుడు భుజానికి గాయం అయింది. ఇప్పటికి కూడా ఇంకా జిమ్ కి వెళ్లట్లేదు ఆ గాయం వల్ల. కెమెరా మెన్ హరి, సంగీత దర్శకుడు మణి జిన్నా, ఈ సినిమాకి పని చేసినా వాళ్లందరికీ స్పెషల్ థ్యాంక్స్ చెప్పారు.
డైరెక్టర్ సన్నీ అలియాస్ భరత్ కొమ్మాలపాటి మాట్లాడుతూ.. 2021 లాక్ డౌన్ తర్వాత ఈ సినిమా చేశాం. చాలా మంది ఈ సినిమాకు కష్టపడ్డాం. ఈ సినిమా నెక్స్ట్ మంత్ రానుంది. శ్రీకాంత్ అన్న గెస్ట్ గా వచ్చినందుకు చాలా థ్యాంక్స్. ఇక్కడికి వచ్చిన గెస్టులందరికి థ్యాంక్స్. ఈ సినిమా సక్సెస్ మీట్ లో మళ్ళీ మాట్లాడతాను అని సినిమాకి పని చేసిన వాళ్లందరికీ స్పెషల్ గా థ్యాంక్స్ చెప్పారు.
ప్రముఖ సంగీత దర్శకులు RP పట్నాయక్ గారు ఒక సాంగ్ లాంచ్ చేశారు. అనంతరం మాట్లాడుతూ.. డైరెక్టర్ భరత్ క్రియేటివిటీ బాగుంటుంది. పాట చాలా బాగుంది. సర్దార్ కి ఎప్పట్నుంచో ఒక హిట్ బాకీ ఉంది. ఈ సినిమాతో అది వచ్చేస్తుంది. సర్దార్ చాలా నిజాయితీగా కష్టపడతాడు కాబట్టి ఆ సక్సెస్ రావాలి. సంగీతం అందించిన మణి జిన్నా బాగా ఇచ్చారు అని అభినందించారు.
నటుడు లోహిత్ మాట్లాడుతూ.. మా అందరికి భరత్ అంటే ఇష్టం. నాకు గట్టి నమ్మకం కొరియోగ్రాఫర్స్ పెద్ద డైరెక్టర్స్ అవుతారు. ప్రభుదేవా, లారెన్స్, అమ్మ రాజశేఖర్.. ఇలా చాలా మందిని చూశాం. త్వరలో సన్నీ కూడా వాళ్ళల్లో ఒకడిగా ఉంటాడు. నా ఫ్రెండ్ అభినవ్ సర్దార్ కష్టపడే తత్వం, చాలా దగ్గర్నుంచి చూస్తాను అతన్ని. ఒక 10 ఏళ్ళ జర్నీ మాది. చాలా సినిమాలు చేశాడు. మిస్టేక్ సినిమా తర్వాత తెలుగు ఇండస్ట్రీకి బాంబే నుంచి విలన్స్ తెచ్చుకొనవసరం లేదు. సర్దార్ విలన్ గా ఉండాలని అందరూ అనుకుంటారు అని తెలిపారు.
Mistake Official Trailer నటుడు విక్రమాదిత్య మాట్లాడుతూ.. S ఫర్ సర్దార్, S ఫర్ సన్నీ, S ఫర్ సక్సెస్. సర్దార్ చాలా హార్డ్ వర్క్ చేస్తాడు. ఈ మిస్టేక్ సినిమాతో గట్టిగా కొడతాడు అని తెలిపారు.
బిగ్‌బాస్ RJ సూర్య మాట్లాడుతూ.. సర్దార్ అన్న సిక్స్ ప్యాక్ కోసం చాలా డెడికేషన్ పెట్టారు. అన్నని చూస్తుంటేనే తెలిసిపోతుంది. డైరెక్టర్ భరత్ కి, సర్దార్ అన్నకి ఆల్ ది బెస్ట్ అని అన్నారు.
సింగర్ అరుణ్ మాట్లాడుతూ.. మ్యూజిక్ డైరెక్టర్ మణి జిన్నా గారు అద్భుతమైన సంగీతం ఇచ్చారు. డైరెక్టర్ భరత్ అన్న, మేము క్రికెట్ మేట్స్. ఎప్పట్నుంచో పరిచయం ఉంది. నేను డాక్టర్ చదివి ఇలా సింగర్ గా మారాను. ఈ ప్రొఫెషన్ తో చాలా సంతోషంగా ఉన్నాను అని అన్నారు.
Mistake Official Trailer లిరిసిస్ట్ శ్రీరామ్ మనస్వి మాట్లాడుతూ.. ఈ రోజు నా డ్రీమ్ నెరవేరింది. సర్దార్ కి చాలా థ్యాంక్స్ చెప్పాలి. మన యంగ్ ఏజ్ లో ఎన్నో అద్భుతమైన పాటలు ఇచ్చిన RP పట్నాయక్ గారు ఇక్కడికి వచ్చి పాట లాంచ్ చేసినందుకు చాలా థ్యాంక్స్. టీం అందరికి అల్ ది బెస్ట్ అని అన్నారు.
లిరిసిస్ట్ విరించి మాట్లాడుతూ.. నేను అవకాశాల కోసం తిరుగుతున్న సమయంలో అన్నే నాన్ను పిలిచి ఈ సినిమాలో లిరిసిస్ట్ గా అవకాశం ఇచ్చారు. ఒకప్పుడు ఇదే హోటల్ లో చాలా సార్లు కేటరింగ్ చేయడానికి వచ్చాను. అలాంటిది ఇవాళ ఇక్కడ నిల్చున్నాను. చాలా ఆనందంగా ఉంది. మా పాటని ఇంతలా ఆదరించినందుకు చాలా థ్యాంక్స్. కొత్తవాడిని అయినా నాకు అవకాశం ఇచ్చిన డైరెక్టర్ భరత్ గారికి, నిర్మాత సర్దార్ గారికి చాలా థ్యాంక్స్ అని తెలిపాడు.
Mistake Official Trailer బిగ్‌బాస్ VJ సన్నీ మాట్లాడుతూ.. ఈ సినిమా సస్పెన్స్ థ్రిల్లర్ అని అర్థమైంది. సాంగ్స్ చాలా బాగున్నాయి. ఈ టీం చేసిన ఓ క్రియేటివ్ వీడియో చూశాను, చాలా బాగుంది. ఇక సినిమాలో మరింత క్రియేటివిటీ ఉంటుంది అని నమ్ముతున్నాను. ఈ సినిమా మంచి సక్సెస్ అవుతుంది. భవిష్యత్తులో డైరెక్టర్ భరత్, సర్దార్ అన్నతో సినిమా చేసే అవకాశం రావాలి అని కోరుకుంటున్నాను అని అన్నారు.
బిగ్‌బాస్ సోహైల్ మాట్లాడుతూ.. చిన్న సినిమా అయినా సినిమా చాలా పెద్దగా కనిపిస్తుంది. ఇవాళ చాలా మంది సర్దార్ అన్న కోసమే వచ్చారు. ఆస్తులు సంపాదించుకోకపోయినా మనుషులని సంపాదించుకోవాలి. అన్న చాలా మందిని సంపాదించుకున్నారు. లైఫ్ లో మన కోసం ఓ పది మంది వచ్చినప్పుడే సక్సెస్ అయినట్టు. సర్దార్ అన్న ఆల్రెడీ ఆ సక్సెస్ లో ఉన్నారు అని అన్నారు.
Mistake Official Trailer బిగ్‌బాస్ మానస్ మాట్లాడుతూ.. ఈ సినిమాకి నేను ఆడిషన్ ఇచ్చాను బిగ్ బాస్ కి వెళ్లే ముందు. కానీ వర్కౌట్ అవ్వలేదు. కొరియోగ్రాఫర్స్ డైరెక్టర్స్ గా మారితే చాలా క్లారిటీతో ఉంటారు. భరత్ మంచి సక్సెస్ సాధిస్తారు. సర్దార్ అన్నకి, చిత్ర యూనిట్ అందరికి అల్ ది బెస్ట్ అని అన్నారు.
సింగర్ రేవంత్ మాట్లాడుతూ.. మణి జిన్నా గారు మంచి సంగీతం ఇచ్చారు. డైరెక్టర్ భరత్ ఈ సినిమా కోసం అన్ని వదిలేసి కష్టపడ్డాడు. అతని కష్టం కోసం అయినా ఈ సినిమా సక్సెస్ అవ్వాలి అని అన్నాడు.
నటుడు శ్రీధర్, శ్రీనివాస్, చైతన్య కృష్ణ, షాని, నటి గరీమా, తానియా, సౌమ్య మాట్లాడుతూ.. సర్దార్ కోసం ఈ సినిమా చాలా పెద్ద సక్సెస్ అవ్వాలి. చిత్ర యూనిట్ అందరికి అభినందనలు అని తెలిపారు.
Mistake Official Trailer నిర్మాత లగడపాటి శ్రీధర్, నటుడు బెనర్జీ, ఇన్ కం ట్యాక్స్ కమీషనర్ జీవన్ మాట్లాడుతూ.. సర్దార్ చాలా మంచి స్నేహితుడు, మంచి బిజినెస్ మెన్, చాలా కష్టపడతాడు. ఈ మిస్టేక్ సినిమా మంచి సక్సెస్ అవ్వాలని, చిత్రయూనిట్ కి అభినందనలు తెలిపారు.
