ఆ హీరో విషయంలో ‘వే’ తెలియక పప్పు లో కాలేసిన బడా న్యూస్ చ్యానెల్?
గత కొంత కాలంగా డిజిటల్ లో ఇండియా అద్భుతాలు స్పృషిటిస్తున్న విషయం తెలిసిందే. కాకపోతే, కొంత మంది దీన్ని మిస్యూజ్ చేస్తున్నారు. చేసే పనిలో సరైన నాణ్యత, అవగాహనా లేకపోవటం ఆఖరికి బడా న్యూస్ కంపెనీస్ కూడా పప్పు లో కాలేస్తున్నాయి.
పైగా, సోషల్ మీడియా లో ఏదైనా వ్యక్తి గురించి హాట్ న్యూస్ వస్తే, అదే నిజం అని నమ్మే పరిస్థితిలో ఉంది సమాజం. నిజం అబద్దంతో పనిలేకుండా ఎవరికి నచ్చింది వాళ్ళు రాసి, జనాలని నమ్మమని బలవంతపెడుతున్నాయి కొన్ని బడా న్యూస్ కంపెనీస్. ఈ మధ్య, ప్రతి ఒక్కరు ఇదే ధోరణి వంటపట్టించుకున్నారు? ఇలాంటి సందర్భమే టాలీవుడ్ కి బాగా సుపరిచితుడు, నటుడు నవదీప్(Navdeep) కి చుక్కెదురైంది.
సినిమా రంగం అంటేనే మూడు పువ్వులు లెక్కలేనన్ని ముళ్ళు ఉండే ప్రపంచం. చిత్ర పరిశ్రమ ఎంత మంచిగా ఉన్నా కూడా, చెడు చేసే వాళ్లు ఉంటూనే ఉంటారు. ఈ మధ్య హైదరాబాద్ మాదాపూర్ లో జరిగిన డ్రగ్స్ వ్యవహారం మరలా ‘నవదీప్’ మీద గాలి సోకింది. సోషల్ మీడియా లో హైప్ ఎలా అవ్వాలో ‘వే’ తెలియక తలా తోక లేని కొన్ని న్యూస్ వార్తలతో నటుడు నవదీప్ ని ఇబ్బంది పెడుతూనే ఉన్నాయి. మాదాపూర్ లో జరిగిన మాదకద్రవ్యాల రైడ్ లో, ఆయన కూడా ఉన్నారని చాల మంది చెడుప్రచారం చేస్తున్నారు. కానీ నిజానికి అయన తన కొత్త సినిమా ‘లవ్ మౌళి'(Love Mouli) రిలీజ్ చేసే పనిలో నిమగ్నమై ఉండగా, ఇలాంటి వార్తలు ఆయన్ని కలతచెందేలా చేస్తున్నాయి. చివరికి ఆయనే ట్విట్టర్(Twitter) వేదికగా తన నిజాయితీని నిరూపించుకోవాల్సి వచ్చింది. ఇది ఎంత దౌర్భాగ్యమో కానీ, ఇలాంటి వార్తలు విన్నప్పుడు మనసు కలచి వేస్తుంది, మనోధైర్యాన్ని దెబ్బతీసేలా ఉంటాయి.
ఏదైమైనప్పటికీ ఇలాంటి చేదు ప్రచారాలు చేసేవాళ్ళకి ఏమి దక్కుతుందో తెలియదు కానీ, చెయ్యని తప్పుకి చాల బాధని మిగులుస్తుంది. త్వరలో అయన నటించిన కొత్త చిత్రం ‘లవ్ మౌళి’ మంచి ఆదరణ పొందాలని, ఇలాంటి చేదు వార్తల వలన ఆయనకు ఎలాంటి చెడు జరగకూడదు అని కోరుకుందాం.
