నా టార్గెట్ మిస్ అవ్వదు అంటున్న యుంగ్ హీరో?
ఎవ్వరి ప్రయాణం ఎక్కడ నుంచి ఎటు వెళ్తుందో ఎవ్వరికీ తెలియదు. కొన్ని సార్లు ప్రవాహంలో ఈదుతూ సక్సెస్ కి చేరటమే అంతిమ లక్ష్యం. అలాంటి కోవలోకి చెందిన టాలీవుడ్ యంగ్ హీరో ప్రిన్స్ సెసిల్ ప్రయాణం. త్వరలో ఈ హీరో, ఇంకొ ‘జగపతి బాబు’ లా బిజీ అవుతారు అనిపించేలా ఉంది ఆయన సినీ జీవితం.
హీరో ప్రిన్స్ బి.టెక్ చేసేటప్పుడు దర్శకుడు తేజ తన సినిమా కోసం విశాఖపట్టణంలో ఆడిషన్స్ చేసారు. ప్రిన్స్ స్నేహితులు చెప్పారని, దానికి హాజరు అయ్యితే ఆ సినిమా కి హీరోగా సెలెక్ట్ అయ్యారు. 2012 “నీకు నాకు డాష్ డాష్” అనే చిత్రం ద్వారా తెలుగు చిత్ర సీమకి పరిచయం అయినా ప్రిన్స్, ఆ చిత్రం అంతగా రాణించకపోయినప్పటికీ ప్రతిభను గుర్తించి, దర్శకుడు మారుతీ “బస్ స్టాప్” చిత్రంలో కథా నాయకుడిగా తీసుకోగా మొదటి హిట్ ని దక్కించుకున్నాడు. ఆ చిత్రం ఇచ్చిన హుషారుతో ప్రిన్స్ వరుస సినిమాలా అవకాశాలు వెల్లువెత్తాయి.
వరుస సినిమాలతో కష్టపడి ప్రేక్షకులని మెప్పించటానికి ట్రై చేసిన హీరోగా సరైన గుర్తింపు రాకపోవటం కొసమెరుపు. అంతేకాదు, కొన్ని చిత్రాలలో క్యారెక్టర్ ఆర్టిస్ట్ గా కూడా చేసారు. రామ్ పోతినేని, కీర్తీ సురేష్ జంటగా నటించిన “నేను శైలజ” సినిమాలో కీర్తీ అన్నలాగా నటించి మెప్పించారు. గత సంవత్సరం వచ్చిన డిజె టిల్లు లో ఒక విభిన్నమైన ప్రతినాయకుడి పాత్ర పోషించి సగటు ప్రేక్షకుడిని, సినీ వర్గాల వారిని మెప్పించారు ప్రిన్స్.
2017 జూనియర్ నందమూరి తారక రామారావు, పర్యవేక్షణలో వచ్చిన బిగ్ బాస్ మొదటి సీజన్లో పాల్గొని సందడి చేసారు ప్రిన్స్. దాంతో అవకాశాలు వస్తాయి అనుకున్నా కూడా నిరాశే మిగిల్చింది. అవకాశాల మాట పక్కనపెడితే, ఆ షోలో పాల్గొనటం వలన, అందరి మన్నలను పొందారు.
ఇకపోతే, హీరో రామ్ పోతినేని, శ్రీలీల జంటగా నటిస్తున్న చిత్రం ‘స్కంద’. బోయపాటి శ్రీను ఈ చిత్రానికి దర్శకుడు. ఈ చిత్రంలో ప్రిన్స్ ఒక భయంకరమైన ప్రతినాయకుడిలా నటించబోతున్నారు. ఇప్పటికే ఈ చిత్రం టీజర్, మరియు ట్రైలర్ విడుదల అయ్యి మంచి రెస్పాన్స్ వచ్చింది. ఈ నెల 28 వ తేదీన విడుదల అవ్వబోతోంది. జగ్గు భాయ్ లా హీరో నుంచి విల్లన్ గా మారుతున్న ప్రిన్స్, ఇది తనకి రెండొవ అధ్యాయం అనే అనుకోవాలి.
ఎంతోమంది సినిమా ఇండస్ట్రీ కి వస్తు పోతు ఉంటారు. వాళ్ళ నటనతో మెప్పించిన కొంతమంది అదే తరహా అవకాశాలు రాక ఇబ్బంది పడుతూ ఉంటారు. కొంతమంది వాళ్ళు అనుకున్న అవకాశాలు రావట్లేదని, ఇంకొక రకం ప్రయత్నాలు చెయ్యటం ఇష్టంలేక ఇండస్ట్రీ ని వదిలి వెళ్లిపోతుంటారు. కానీ, ప్రిన్స్ తన నటనని నమ్ముకున్నారు. చిన్నదో పెద్దదో, చేస్తూనే అభిమానులకి కనపడుతూ ఉన్నారు. తన రెండొవ అధ్యాయంలో ప్రతినాయకుడిగా కనిపించబోతున్న ప్రిన్స్, స్కందా చిత్రంతో ఆయన ప్రతిభని గుర్తిస్తారని, అవకాశాలు రావాలని కోరుకుందాం.
