బాద్షా ముద్దుగుమ్మ – సిరి హనుమంత్
సోషల్ మీడియా చాలా మందికి అనుకోని అవకాశాలు తెచ్చిపెట్టింది. కొంతమందిని అయితే ఊహించని స్థాయిలో నిలబెట్టింది. నక్కతోక తొక్కినట్టు ఒక్క చ్యాన్స్ తో సెటిల్ అయినవాళ్లు కూడా చాలా మంది ఉన్నారు. అలంటి వాళ్ళల్లో డైనమిక్ యాక్ట్రెస్ ‘సిరి హనుమంత్’. యూట్యూబ్ లో షార్ట్ ఫిలిమ్స్, ఇంస్టాగ్రామ్ లో మోడల్ & influencer గా ఎదగటానికి చాలా ఉపయోగపడింది. అందంతోనే కాదు తన అభినయం, నటనతో చాలా మంది అభిమానులను సొంతం చేసుకుంది అంటే అతిశయోక్తి కాదు.
అనుకోకుండా బిగ్ బాస్ లో ఎంట్రీ ఇచ్చిన ఈ ముద్దుగుమ్మ ప్రేక్షకులకి మరింత చేరువైంది. బడా ప్రొడక్షన్స్ లో పలు అవకాశాలు దక్కడంతో పాటు, ఏకంగా బాక్స్ ఆఫీస్ బాద్షా ‘షారుఖ్ ఖాన్’ జవాన్ సినిమాలో అవకాశం కొట్టేసింది. తనకి అవకాశం వచ్చినప్పుడల్లా తన ఆనందాన్ని అందరితో షేర్ చేస్తూ మురిసిపోతోంది మన సిరి.
షారుఖ్ ఖాన్ హీరో గా, సౌత్ ఇండియన్ లేడీ సూపర్ స్టార్ నయనతార నాయికగా, తమిళ దర్శకుడు అట్లీ తెరకెక్కించిన చిత్రం జవాన్. దాదాపుగా వెయ్యి కోట్ల మైలురాయిని దాటబోతోంది ఈ చిత్రం. అన్ని చోట్ల, అన్ని భాషల్లో అదరకొట్టింది ఈ సినిమా. ఈ చిత్రంలో సిరి హనుమంత్ పోలీస్ పాత్రలో మెరిసింది. మొత్తానికి మూడు సార్లు షారుఖ్ ఖాన్ పక్కన కనిపించింది తన నటనతో మెప్పించింది. అంతే కాదు, ఔరా అనిపించేలా తెలుగు ప్రేక్షకులని ఆశ్చర్య పరిచింది.
సినిమా చుసిన అందరూ, సిరి మంచి అవకాశం కొట్టేసింది కదా అని అనుకుంటున్నారు. యూట్యూబ్ దయవల్ల, తన టాలెంట్ వళ్ళ, మొత్తానికి సిరి మంచి అవకాశం సంపాదించుకుంది. ఈ చిత్రం చేసినందుకు ఇరవైల లక్షలు పారితోషకం ఇచ్చారని ఊహాగానాలు వినిపిస్తున్నాయి. అవన్నీ పక్కన పెట్టేస్తే, ఈ చిత్రం వల్ల తనకి ఇంకా మంచి అవకాశాలు రావాలని కోరుకుందాం.
