వరుస సూపర్ హిట్ ఖాతాలో గాంజా “శంకర్” నిలబడనుందా?
బ్రో ది అవతార్ మూవీ తరువాత కొంతకాలం రెస్ట్ తీసుకుని సినిమాలు చేస్తా అని చెప్పిన సుప్రీమ్ హీరో, ఈ రోజు తన పుట్టినరోజు సందర్భంగా తన తదుపరి చిత్రానికి సంబందించిన టైటిల్ వీడియో రిలీజ్ చేసారు.
సాయి ధరమ్ తేజ్ హీరో గా, డాషింగ్ దర్శకుడు సంపత్ నంది దర్శకత్వంలో ,సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్‌ పతకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. శ్రీకర స్టూడియోస్ నిర్మిస్తున్న చిత్రం “గాంజా శంకర్”. మ్యాడ్ వంటి బ్లాక్ బస్టర్ తర్వాత భీమ్స్ సిసిరోలియో ఈ చిత్రానికి సంగీతం అందిస్తుండగా, ఏ.ఎస్. ప్రకాష్ ప్రొడక్షన్ డిజైనర్ గా వ్యవహరిస్తున్నారు. రిషి పంజాబీ కెమెరా బాధ్యతలు నిర్వహిస్తున్నారు. ఈ రోజు నుంచి షూటింగ్ మొదలు కాబోతోంది. మిగతా పాత్రల విషయాలు ఇంకా తెలియాల్సి ఉంది.
సుప్రీం హీరో సాయి ధరమ్ తేజ్ ఒక గంజాయి అమ్మేవాడిలాగా, తాగుబోతుగా, తిరుగుబోతుగా, పోలీసులు నిత్యం వెతికే ఒక చిన్న సైజు క్రిమినల్ గా ఈ టీజర్ లో అయన క్యారెక్టర్ ని చూపించారు దర్శకుడు. టీజర్ ప్రకారం, మన హీరో శంకర్ కి లేని చెండాలపు అలవాటు లేదు. అన్ని అలవాట్లు ఉన్నాయి. అన్ని అలవాట్లు ఉన్న అతనికి వైరాలు కూడా ఎక్కువే ఉంటాయి కదా. అదే పంధాలో వచ్చే సినిమాలాగే కనిపిస్తోంది.
“గాంజా శంకర్”. ఈ చిత్రంలో మిగతా నటించే వాళ్ళ సంగతి ఇంకా తెలియాల్సి ఉంది. పక్కా నెగటివ్ షేడ్ తో హీరో ని పరిచయం చేసారు. సాయి ధరమ్ తేజ్ తన పెద్ద మావయ్య, చిన్న మావయ్య ల పంధాలో మాస్ అవతారం ఎత్తారు అనే చెప్పొచ్చు. శంకర్ దాదా, గుడుంబా శంకర్ లాగా, ఇప్పుడు గంజా శంకర్. తన మావయ్యలకి లాగా తనకి కూడా మంచి గుర్తింపు ఇవ్వాలని కోరుకుందాం.
ఈ రోజు పుట్టిన రోజు జరుపుకుంటున్న సుప్రీమ్ హీరో సాయి ధరమ్ తేజ్ కి, మనస్ఫూర్తిగా అభినందిస్తూ, ఈ చిత్రం ఆయనకి ఘన విజయం చేకూర్చాలని ప్రార్థిస్తున్నాం. ఆయన ఆరోగ్యం కూడా కుదుట పడాలని కోరుకుందాం.
