విలక్షణ దర్శకుడు పూరి జగన్నాథ్ నుంచి చిత్రం విడుదల అవుతోంది అంటే భారీ నుంచి అతి భారీ అంచనాలు ఉంటాయి . సినిమా ప్రియులని తన స్టైల్ లో ఆకట్టుకుంటారు ఆయన . తన సినిమాలలో హీరోలకి ఉండే ఆటిట్యూడ్ ఏ వేరుగా ఉంటుంది. వరుస పరాజయాలతో మునిగిపోతున్న ఆయనని, ఇస్మార్ట్ శంకర్ మళ్ళీ నిలబెట్టింది . అప్పటికే హీరో రామ్ కి కూడా ఇంచుమించు అదే పరిస్థితి. ఎన్ని ప్రయత్నాలు చేసినప్పటికీ మంచి విజయం దక్కలేదు. ఇలా ఇద్దరు పరాజయాల బాటనుంచి బయటపడటానికి వదిలిన అస్త్రమే 2019, జులై 18వ తేదీన విడుదల అయిన “ఇస్మార్ట్ శంకర్”. ఎంతో విరామం తరువాత సంగీత బ్రహ్మ మణిశర్మ గారు సంగీతం అందించారు. మొదట ట్రైలర్ చూసి పెదవి విరిచిన ప్రేక్షకులే, రెండో ట్రైలర్ చూసి హైప్ తో సినిమా మీద అంచనాలని ఎక్కకో తారాస్థాయికి తీసుకుకెళ్లి పెట్టుకున్నార. విడుదల అయిన తరువాత కొంచం అటు ఇటు గా టాక్ వచ్చినా కూడా కలెక్షన్స్ లో ఎక్కడా కూడా వెనుకంజ వెయ్యకుండా వసూళ్లు సాధించింది. ఆ తరువాత పూరి గారు చేసిన లైగర్ ఘోరమైన పరాభావాన్ని మిగిల్చింది. రామ్ కి కూడా తరువాత చేసిన వారియర్ , స్కంద నిరాశ పరిచాయి . ఇప్పుడు అదే హిట్ బొమ్మకి కొనసాగింపుగా “డబల్ ఇస్మార్ట్” తో మన ముందుకు రాబోతున్నారు . అదే పూరి గారి “పూరి కాంనెక్ట్స” బ్యానర్ లో వస్తోంది ఈ చిత్రం కూడా. పూరి గారు, చార్మీ కౌర్ సంయుక్తంగా నిర్మిస్తున్నారు. 2024, మార్చ్ 8న పాన్ ఇండియా చిత్రంగా అయిదు భాషల్లో విడుదలకి ప్రణాళిక సిద్ధం చేసుకున్నారు. బాలీవుడ్ నటుడు సంజయ్ దత్ ప్రతినాయకుడిగా చేస్తున్నారు.
పూరి గారికి ఒక విచిత్రమైన స్టైల్ ఉంటుంది . ఆయన సినిమా ముహూర్తం రోజునే విడుదల తేదీని వెల్లడిస్తారు. అదే విధంగా పూర్తి చేస్తారు కూడా. తక్కువ సమాహాయంలో మంచి సినిమా తియ్యటం ఒక్క ఆయనకే సాధ్యం. అలాంటిది ఇప్పుడు ఆయన నుంచి ఒక్క అప్డేట్ కూడా లేదు . డబల్ ఇష్మార్ట్ మొదలు పెట్టి చాలా నెలలు అయినప్పటికీ ఇప్పటిదాకా ఎలాంటి సమాచారం కానీ , ఒక పోస్టర్ కానీ లేదు. సైన్స్ ఫిక్షన్ మరియు యాక్షన్ ఎంటర్టైనర్ గా వచ్చిన మొదటి భాగం టెక్నికల్ టీం ఈ చిత్రానికి కూడా పని చేస్తున్నారు . కానీ చెప్పినట్టుగా మార్చ్ 8వ తేదీన విడుదల చేస్తారా అనేది అంతుచిక్కని విషయం. కొంత సమాచారం వరకూ ఈ చిత్రం షూటింగ్ ఫిబ్రవరి చివరి వారం వరుకూ పడుతుంది అంట. అలా అయితే టీజర్, ట్రైలర్ సంగతి ఏమిటి, ప్రొమోషన్స్ విషయం ఏమిటి. ఎలాంటి సమాచారం చిత్ర బృందం నుంచి రాకపోవటం ఆశ్చర్యానికి గురిచేసే విషయం . కొంతమంది ఈ చిత్రం వాయిదా పడుతుంది అనే చెబుతున్నారు. వేచి చూడాలి మరి, ఈ చిత్రం పూరి గారికి , హీరో రామ్ గారికి మళ్ళీ విజయాలబాటలోకి తీసుకువస్తుందేమో!
