టైగర్,ఎక్కడికి పోతావు చిన్నవాడా,క్షణం,డిస్కోరాజా వంటి చిత్రాలతో విభిన్న దర్శకుడిగా పేరు తెచ్చుకున్న వి.ఐ.ఆనంద్ ప్రస్తుతం “ఊరి పేరు భైరవకోన” అనే సినిమాతో ప్రేక్షకుల ముందుకు రాబోతున్నారు. ఈ చిత్రం ఫిబ్రవరి 16వ తేదీన మన ముందుకు రాబోతోంది. ప్రస్తుతం ఈ సినిమాకు సంబంధించి ప్రమోషన్స్ తో బిజీగా ఉన్నారు. ఐతే ఈ సినిమా ప్రమోషన్స్ లో భాగంగా ఓ ఇంటర్వ్యూ లో అల్లుఅర్జున్ తో సినిమా పై ఆసక్తికరమైన కామెంట్స్ చేశారు. అదేంటంటే తన మొదటి చిత్రం “టైగర్” తర్వాత అల్లు అర్జున్ తో సినిమా చేయాలనుకున్నారట.
అందుకు సంబంధించి ఇద్దరూ స్టోరీ డిస్కషన్స్ లో పాల్గొన్నరారట. “సైన్స్ ఫిక్షన్” జోనర్ లో కొన్ని కధలు కూడా అనుకున్నారట కానీ ఏది వర్కౌట్ అవ్వకపోవడం సినిమా చేయలేకపోయాం అని చెప్పారు. కానీ భవిషత్తులో మాత్రం ఒక మంచి కధతో అల్లుఅర్జున్ తో సినిమా చేస్తాను అని చెప్పారు. ఐతే ఈయన కొత్త సినిమా “ఊరి పేరు భైరవకోన” ఈ వారమే రిలీజవుతుంది. తన తదుపరి సినిమా గీత ఆర్ట్స్ బ్యానర్ లో హీరో నిఖిల్ తో చేయనున్నట్లు తెలిపారు.
