పాన్ వరల్డ్ స్టార్ ప్రభాస్ కథానాయకుడిగా వైజయంతి మూవీస్ పతాకంపై , అశ్వినీ దత్ గారు నిర్మిస్తున్న ప్రతిష్టాత్మిక చిత్రం కల్కి2898AD. తన రెండొవ చిత్రంతోనే ప్రతిష్ఠాత్మిక నేషనల్ అవార్డు విన్నింగ్ మూవీ చిత్రికరించిన దర్శకులు నాగ అశ్విన్ ఈ చిత్రాన్ని చాలా కట్టుదిట్టమైన ప్రణాళికతో చిత్రీకరిస్తున్న విషయం తెలిసిందే. ఈ చిత్రంలో ప్రభాస్ పలు విభిన్నమైన పాత్రలలో కనిపించబోతున్నారు అని తెలిసిన విషయమే. ఇది ఒక సోషియో ఫాంటసీ రిలేటెడ్ సైన్స్ ఫిక్షన్ చిత్రం. మహాభారతం సంబంధిత అంశాలు, శ్రీ మహా విష్ణువు పదవ అవతారం అయిన కల్కి కి సంబందించి అంశాలు ఉన్నాయి. ప్రపంచ చలన చిత్ర చరిత్రలో ఇలాంటి చిత్రం ఇప్పటిదాకా రాలేదు అని వార్తలు కూడా ఉన్నాయి. భారీ తారాగణం పని చేస్తోంది ఈ చిత్రంలో. బాలీవుడ్ భామలు దీపికా పదుకొనే, దిశా పఠానీ, బిగ్ బి అమితాబ్ బచ్చన్, ప్రతినాయకుడిగా ఉలగనాయనగన్ (లోకనాయకుడు) కమల్ హాసన్ నటిస్తున్నారు. సంతోష్ నారాయణ్ సంగీతం అందిస్తున్న ఈ చిత్రంలో నాని, విజయ్ దేవరకొండ, దుల్కర్ సల్మాన్ ఇలా చాలా పెద్ద తారలే నటిస్తున్నారు వీళ్ళు కాకుండా ఇంకా పెద్ద లిస్టే ఉంది. ఇది ఇలా ఉంటే, అసలు విషయం ఏమిటి అంటే, ఈ చిత్రానికి సంబంధించి కొత్త షెడ్యూల్ ఎప్పుడో సైలెంట్ గా మొదలు అయ్యింది అంట.
ఈ షెడ్యూల్ లో ప్రభాస్ ఇంకా దిశా మీద ఒక ప్రేమ గీతం చిత్రీకరణ జరుగుతోంది అంట. ఇది నీళ్ల లోపల (underwater) జరిగే సన్నివేశాలకి ముడిపడి ఉంటుంది అని వార్త వచ్చింది. చిత్రీకరణ నీళ్ల లోపల ఉండేలాగా చేస్తున్నారు అని చిత్రం యూనిట్ నుంచి ఒక వార్త బయటకొచ్చింది. ఈ చిత్రం మొదలయినప్పటినుంచీ ప్రపంచం అంతా ఎదురుచూస్తూనే ఉంది ఈ చిత్రం విడుదల కోసం. ప్రస్తుతానికి షెడ్యూల్ ప్రకారం మే 9వ తేదీన ఈ చిత్రం ప్రపంచ వ్యాప్తంగా విడుదల అవ్వాలి. దర్శకులు చెప్పిన దాని ప్రకారం పోస్ట్ ప్రొడక్షన్, గ్రాఫిక్స్ పనులు అనుకున్నట్టుగా పూర్తి అయితే అనుకున్నట్టుగానే మే 9న విడుదల అవుతుంది, లేకపోతే ఆగష్టు 15న అవుతుంది అని చెప్పారు.
ప్రభాస్ అభిమానులు మాత్రం ఇంకొక వాయిదాని భరించే ఓపికతో అయితే లేరు అని తెలుస్తోంది. వేచి చూడాలి మరి ఎప్పుడు విడుదలకి సంబంధించి నిజమైన వార్త బయటకి వస్తుందో!
