ఇటీవల వచ్చిన “గుంటూరు కారం” బాక్సాఫీస్ దగ్గర బోల్తా కొట్టిన సంగతి మనందరికీ తెలిసిన విషయమే. రిలీజ్ కీ ముందే భారీ అంచనాలతో వచ్చిన ఈ చిత్రానికి ఘోర పరాభవం ఎదురైయింది. త్రివిక్రమ్ స్థాయి సినిమా కాదంటూ విమర్శలు వచ్చాయి. మహేష్ బాబు తో ఇలాంటి సినిమా తీస్తారా అంటూ అభిమానులు సైతం ఫైర్ అయ్యారు. డిజాస్టర్ అవ్వాల్సిన ఈ సినిమా కనీసం ఆ మాత్రం కలెక్షన్స్ అన్న వచ్చాయంటే మహేష్ స్టార్డం వల్లే. తాజాగా ఈ సినిమా పై ప్రముఖ రచయత పరుచూరి గోపాలకృష్ణ సైతం తన యూట్యూబ్ ఛానల్ లో ఘాటు విమర్శలు చేసారు.
గుంటూరు కారం త్రివిక్రమ్ స్థాయి సినిమా కాదు. ఫస్ట్ టైం త్రివిక్రమ్ సినిమా కథ పై కాకుండా ఇతర హంగుల పై ద్రుష్టి పెట్టడం ఆశ్చర్యం కలిగించిందంటూ త్రివిక్రమ్ పై రెచ్చిపోయాడు. కథ విషయంలో నే చాలా తప్పులున్నాయి. హీరో కీ మదర్ కీ మధ్య రేలషన్ ని సరిగ్గా చూపించలేదు. త్రివిక్రమ్ కెరీర్లో నే ఇంత చెత్తగా ఏ సినిమా తీయలేదు, సంభాషణలు సైతం ఆకట్టుకోలేని విధంగా ఉన్నాయ్. మహేష్ బాబు లాంటి స్టార్ నీ పెట్టుకొని ఇలాంటి చెత్త సినిమా తీయడం బాధ కలిగించిందంటూ దర్శకుడి పై రెచ్చిపోయాడు.
