హీరో రోహిత్ అంటే ఈ తరానికి పెద్దగా తెలియకపోవచ్చు గాని 90స్, ఎర్లీ 2000 జనరేషన్ కిడ్స్ కీ మాత్రం ఇతను సుపరిచితుడే. 6టీన్స్, సొంతం, గర్ల్ ఫ్రెండ్, కీలు బొమ్మ లాంటి కొన్ని చిత్రాలతో లవర్ బాయ్ గా యూత్ లో మంచి క్రేజ్ తెచ్చుకున్నాడు. ముఖ్యంగా ‘జానకి వెడ్స్ శ్రీరామ్’ సినిమాతో అమ్మాయిలకు డ్రీంబాయ్ గా మారిపోయాడు. ఐతే ఆ తర్వాత మాత్రం అవకాశాలను అందిపుచ్చు కోలేకపోయాడు. దీంతో ఎంత త్వరగా ఐతే వచ్చాడో అంతే త్వరగా ఫేడ్ అవుట్ అయ్యారు. మధ్యలో “శంకర్ దాదా” ,”నవవసంతం” లాంటి కొన్ని సినిమాల్లో మంచి రోల్స్ చేసినప్పటికీ. ఆ తర్వాత మాత్రం ఏ మూవీ లో కనిపించలేదు. “హద్దులేదు రా” అనే సినిమా ప్రెస్ మీట్ కి గెస్ట్ ద్వారా, మళ్ళి ఇన్నాళ్లకు అభిమానుల ముందుకి వచ్చారు.
సూపర్ గుడ్ ఫిలిమ్స్ బ్యానర్ తోనే తన ఫిలిం కెరీర్ ప్రారంభమైనట్లు, ఈ బ్యానర్లోనే తనకి చాలా సూపర్ హిట్ సినిమాలు వచ్చాయని చెప్పారు. ఐతే రోహిత్ కూడా తన రీ ఎంట్రీ సినిమా ఇదే బ్యానర్లో చేయనున్నట్లు తెలుస్తుంది. రోహిత్ రీఎంట్రీ సినిమా మంచి విజయం సాధించి మళ్ళి మునుపటి లాగే మంచి సినిమాలు చేయాలని కోరుకుందాం.
