ప్రపంచ వ్యాప్తంగా సినీ అభిమానులు ఎంతగానో ఎదురు చూస్తున్న చిత్రం “కల్కి 2898 AD”. ప్రభాస్ కథానాయకుడిగా, దీపికా పదుకొనే, దిశా పఠాని నటీమణులుగా చేస్తున్నారు. లోకనాయకుడు కమల్ హాసన్ ప్రతినాయకుడి పాత్ర పోషిస్తున్నారు, అమితాబ్ బచ్చన్, దుల్కర్ సల్మాన్, నాని, విజయ్ దేవరకొండ ఇలాగ చాలా మంది నటులు ఉన్నారు ఈ చిత్రంలో. వైజయంతి మూవీస్ పతాకం పై అశ్విని దత్ నిర్మిస్తున్న ఈ భారీ బడ్జెట్ చిత్రం ఒక సైన్స్ ఫిక్షన్ డ్రామా. ఇంతవరుకు ఎవ్వరూ చూడని కథాంశంతో వస్తున్నారు దర్శకులు నాగ అశ్విన్. సంతోష్ నారాయణ్ సంగీతం సమకూరుతూస్తున్నారు. ఇప్పుడు అసలైన అప్డేట్ ఏంటి అంటే, త్వరలో ఈ చిత్రం నుంచి ఒక డాన్స్ నెంబర్ విడుదల అవ్వబోతోంది. చాలా కాలం తరువాత ప్రభాస్ నుంచి ఒక డాన్స్ నెంబర్ రాబోతోంది. అప్పుడెప్పుడో మిర్చీ చిత్రంలో డాన్స్ చేసారు ప్రభాస్. బాహుబలి లో కూడా మనోహరీ సాంగ్ లో ఒక మోస్తారు డాన్స్ చేసినప్పటికీ ఫాన్స్ కి అది సరిపోలేదు. ఇప్పుడు ఒక పెప్పీ బీట్ కి ప్రభాస్ డాన్స్ ప్రాక్టీస్ చేస్తున్నట్టుగా ఆయన ఇంస్టాగ్రామ్ స్టోరీ పెట్టారు. అది చూసాక ఫాన్స్ కి పండగ వాతావరణం వచ్చేసింది. ఎప్పుడెప్పుడు వాళ్ళ ఆరాధ్య నటుడిని అలంటి డాన్స్ నెంబర్ లో చూస్తామో అని ఎదురు చూస్తున్నారు. ఈ చిత్రం అధికారికంగా మే 9వ తారీఖున విడుదల అవ్వబోతోంది. ట్రైలర్ ఇంకా పాటలు ఒక్కోటి విడుదల అయ్యేంతవరకూ ఫాన్స్ ఎదురుచూడాల్సిందే.
- Advertisement -
