విజయ్ ఆంటోని “లవ్ గురు” ట్రైలర్ రివ్యూ: “Love guru” trailer review

“నాక్కు ముక్క” అనే ఒక మాస్ సాంగ్ తో చాలా పాపులర్ అయిన మ్యూజిక్ డైరెక్టర్ విజయ్ ఆంటోనీ, హీరోగా కూడా చాలా చిత్రాలలో నటించి అందరినీ మెప్పించారు. చాలా చిత్రాలు చేసినప్పటికీ బాగా గుర్తింపు తెచ్చింది మాత్రం “బిచ్చగాడు” చిత్రం. ఆ చిత్రంతో ఆయన దశ తిరిగింది. తన సొంత ప్రొడక్షన్ బ్యానర్ అయిన విజయ్ ఆంటోనీ ఫిలిం కార్పొరేషన్ బ్యానర్ ద్వారానే అత్యధిక చిత్రాలు టెస్టు ఉంటారు ఆయన. ఇప్పుడు అదే బ్యానర్ నుంచి “లవ్ గురు” అనే లవ్ స్టోరీ రాబోతోంది. ఇది ఒక భార్యా భర్తల మధ్య జరిగే ఒక స్టోరీ. హీరోగా విజయ్ ఆంటోని చేస్తుండగా, ఆయన సరసన మృణాళిని రవి నటిస్తున్నారు. యోగి బాబు ముఖ్య పాత్ర పోషిస్తున్నారు. ఈ చిత్రం ట్రైలర్ ఇప్పుడు సోషల్ మీడియాలో ప్రశంసనీయం అంశం అయ్యింది. ఈ చిత్రానికి వినాయక్ దర్శకత్వం వహిస్తున్నారు, విజయ్ గారి భార్య ఫాతిమా గారు నిర్మాత, సంగీతం భరత్ ధనశేఖర్ అందిస్తున్నారు. ఇష్టం లేని పెళ్లి చేసుకున్న తన భార్యని ప్రేమతో మార్చుకోవాలి అని ఒక భర్త చేసే ప్రయత్నమే “లవ్ గురు”. ఈ కథాంశంతో యోగి బాబు గారితో, విజయ్ గారు చేసే సందడి అంతా ఇంతా కాదు. ఆధ్యంతం కామెడీ గానే ఉంది ఈ చిత్రం ట్రైలర్. చివర్లో కొంచం యాక్షన్ పార్ట్ చూపించారు. ట్రైలర్ ప్రకారం విజయ్ ఒక సాధారణ కార్పొరేట్ ఎంప్లాయ్, హీరోయిన్ మృణాళిని ఒక సినిమా నటి. తన భార్యని మార్చుకోటానికి సినిమా ని కూడా ఉపయోగించుకున్నట్టు తెలుస్తోంది ట్రైలర్ ద్వారా. రంజాన్ సందర్భంగా విడుదల అవ్వబోతున్న ఈ చిత్రం ద్వారా విజయ్ ఆంటోనీ గారికి మంచి విజయం రావాలని కోరుకుందాం.