పుష్ప-2 (ది రూల్) టీజర్ రివ్యూ – FilmCombat

పుష్ప-2 ఇప్పుడు ఇండియన్ సినిమాలలో మోస్ట్ యాంటిసిపేటెడ్ మూవీస్ లో ఒక్కటి. అల్లు అర్జున్ అభిమానులతో పాటు యావత్తు భారత దేశం అంతా ఎంతో ఆతృతగా ఎదురుచూస్తున్న సినిమా పుష్ప-2. అలాంటి పుష్ప-2 కి సంబందించిన టీజర్ ఈరోజు అల్లు అర్జున్ పుట్టినరోజు సందర్భంగా గ్రాండ్ గా రిలీజ్ చేశారు. టీజర్ లో అల్లుఅర్జున్ అమ్మవారి గెటప్ లో దర్శనమిచ్చాడు. చిత్తూర్ జిల్లాలో గంగమ్మ తల్లి జాతరలో పురుషులు ఈ టైపులో వేషధారణ ధరించడం ఆనవాయితీ. పాత్ర కోసం ఇలాంటి వస్త్రధారణ ధరించాలంటే చాలా గట్స్ ఉండాలి. అది అల్లుఅర్జున్ కి పుష్కలంగా ఉన్నాయి అన్న విషయం మరోసారి రుజువైయింది. టీజర్లో మరో స్పెషల్ అట్రాక్షన్ దేవి శ్రీ బ్యాక్ గ్రౌండ్ స్కోర్. అల్లుఅర్జున్ అలా అమ్మవారి గెటప్ లో ఫైట్ చేస్తుంటే దాన్ని దేవి తన మ్యూజిక్ తో ఎలివేట్ చేసి గూస్బంప్స్ తెప్పించాడు. కాకపోతే టీజర్ అనే సరికి అభిమానులు ఇంకా చాలా ఎక్సపెక్ట్ చేశారు. కానీ కేవలం అల్లుఅర్జున్ పాత్రని మాత్రమే పరిచయం చేసారు తప్పించి కనీసం ఒక్క చిన్న డైలాగ్ కూడా లేదు అన్న విమర్శలు వినిపిస్తున్నాయి. ఐతే టీజర్ లో మరోసారి రిలీజ్ డేట్ ఆగష్టు 15 అన్న విషయన్ని స్పష్టం చేశారు.