“సరిపోదా శనివారం” నుంచి “గరం గరం” పాట విడుదల – FilmCombat

నేచురల్ స్టార్ నాని అంటే తెలియనోడు ఉండడు ఈ తెలుగు రాష్ట్రాలలో. ఈ మధ్య హిందీ ఇంకా ఇతర ఇండస్ట్రీ లలో కూడా పాపులర్ అవుతున్నారు ఆయన. ఆయన నుంచి ఒక చిత్రం వస్తోంది అంటే కచ్చితంగా మినిమం హిట్ టాక్ పక్కా అని ఫిక్స్ అవుతారు ప్రేక్షకులు. అలాంటి వైవిధ్యమైన నటుడి నుంచి వివేక్ ఆత్రేయ దర్శకత్వంలో ఒక చిత్రం రాబోతోంది. అదే “సరిపోదా శనివారం”. మన హీరో ఆ వారంలో తనకి కోపం తెప్పించిన అంశాలమీద కోపంతో చర్యలు ఒక్క శనివారం మాత్రమే తీర్చుకుంటాడు అంట. మొత్తానికి తనకి వారంలో ఒక్క రోజు మాత్రమే కోపం వస్తుంది. ఇలాంటి కొత్త తరహా అంశంతో వస్తున్నారు నాని. ఇప్పుడు ఈ చిత్రం నుంచి మొదటి పాట విడుదల అయ్యింది. ఇది హీరో గురించి, తన క్యారెక్టర్ గురించి వివరించే పాట. “గరం గరం” అనే ఈ పాట లిరికల్ వీడియో విడుదల తీశారు. బాలీవుడ్ సంగీత దర్శకుడు విశాల్ పాడిన ఈ పాటకి, జాక్స్ బెజోయ్ సంగీతం అందించారు. సానపాటి భరద్వాజ పాత్రుడు రచించిన ఈ పాటని, విశాల్ తనదైన శైలిలో పాడారు. ఆగష్టు 29వ తేదీన విడుదల అవ్వబోతున్న ఈ చిత్రం నుంచి ఇంకా ఇంకెన్ని విశేషాలు విడుదల అవుతాయో వేచిచూడాలి. ఈ చిత్రంలో నాని సరసన ప్రియాంక మోహన్ నాయికగా చేస్తున్నారు విలక్షణ నటుడు ఎస్. జె . సూర్య ప్రత్యేక పాత్రలో మెరవబోతున్నారు. DVV దానయ్య నిర్మిస్తున్నారు ఈ చిత్రాన్ని.