సాయి రోనక్, అమృత చౌదరి హీరో హీరోయిన్లు గా క్రాస్ వైర్ క్రియేషన్స్ పై కళ్యాణ్ చక్రవర్తి నిర్మాతగా దర్శకుడిగా వస్తున్న సినిమా రివైండ్. ఆశీర్వాద్ సంగీతం అందించగా, శివ రామ్ చరణ్ సినిమాటోగ్రాఫర్ గా తుషార పాలా ఎడిటర్ గా పనిచేశారు. జబర్దస్త్ నాగి, కేఏ పాల్ రామ్, అభిషేక్ విశ్వకర్మ, ఫన్ బకెట్ రాజేష్, భరత్ ఇతర ముఖ్య పాత్రలు పోషించారు. గతంలో ఈ సినిమాకి సంబంధించిన టీజర్ కి అద్భుతమైన రెస్పాన్స్ వచ్చింది. కాక ఈ సినిమాకు సంబంధించిన ట్రైలర్ లాంచ్ ఈవెంట్ నేడు ఘనంగా జరిగింది. ఈనెల 18న ఈ సినిమాని ప్రేక్షకులు ముందుకు తీసుకొస్తున్నారు.
ఈ ఈవెంట్ లో ఎడిటర్ తుషార పాలా మాట్లాడుతూ దర్శక, నిర్మాత కళ్యాణ్ చక్రవర్తి గారి గురించి ఇంటరెస్టింగ్ విషయాలు వెల్లడించారు. రెండు సంవత్సరాలకి ముందే ప్రొడ్యూసర్ గారిని కలిసాను అన్నారు. స్క్రీన్ ప్లే చాలా బాగా నచ్చింది అని వెల్లడించారు. ఈ చిత్రం కోసం కొత్త విషయాలు నేర్చుకుంటూ పని చేసాము అని చెప్పుకొచ్చారు.
హీరోయిన్ అమృత చౌదరి గారు తన అభిప్రాయాన్ని కూడా వెల్లడించారు. తన మొదటి సినిమా ఇదే అని, తనకే కాదు దర్శకుడికి కూడా ఇదే మొదటి చిత్రం అని. చాలా కస్టపడి పని చేసాము అని వెల్లడించారు. 18వ తేదీన అందరినీ థియేటర్ లకి వచ్చి సినిమా ని చూసి సపోర్ట్ చెయ్యాలని వెల్లడించారు.
హీరో సాయి రోనక్ మాట్లాడుతూ “చిన్న టీం అయినా ఒక మంచి లైన్తో మంచి స్క్రిప్ట్ తయారుచేసుకొని ఈ సినిమాని చేశామని చెప్పారు. తమకున్న బడ్జెట్, లైన్ అప్ తో ఎక్కడ కాంప్రమైజ్ అవ్వకుండా మంచి కంటెంట్ ని తయారు చేశామన్నారు. డైరెక్టర్ కళ్యాణ్ గారు ఎన్.ఆర్.ఐ అయ్యుండి ఇక్కడికి వచ్చి డబ్బు పెట్టి మంచి కథతో సినిమాను తీయడం నిజంగా గర్వించదగ్గ విషయమని పేర్కొన్నారు. ఈనెల 18న ఈ సినిమాని విడుదల చేయబోతున్నాం, ప్రేక్షకులు అందరూ సినిమా చూసి సక్సెస్ చేసి టీం ని ఆశీర్వదించాలని మనస్పూర్తిగా కోరుకుంటున్నాను” అని అన్నారు.
నిర్మాత, డైరెక్టర్ కళ్యాణ్ చక్రవర్తి మాట్లాడుతూ “ముందుగా మమ్మల్ని ఎంకరేజ్ చేసి సపోర్ట్ చేస్తున్న మీడియాకి కృతజ్ఞతలు తెలుపుకుంటున్నాను. టైం ట్రావెల్ మీద తీసిన లవ్, సై ఫై జోనర్ మూవీ. టైం ట్రావెల్ మీద వచ్చే సినిమాలు ఎప్పుడు సక్సెస్ అవుతాయి. ఈ మూవీ స్క్రీన్ ప్లే చాలా బాగా వచ్చింది. మా ఈ టైం ట్రావెల్ మీద తీసిన రివైండ్ మూవీ కూడా ప్రేక్షకులు అందరికీ కచ్చితంగా నచ్చుతుంది అని ఆశిస్తున్నాను” అన్నారు.
