ఓటీటీలో సినిమాలు అదరగొడుతున్నాయి. ఇటు బాక్సాఫీస్ వద్ద అటు ఓటీటీలోనూ చిత్రాలు ట్రెండ్ అవుతున్నాయి. మంచి కంటెంట్‌తో వచ్చే చిత్రాలు అయితే థియేటర్స్ లోను ఓటీటీలో దుమ్ములేపేస్తున్నాయి. కొన్ని చిత్రాలు అయితే నెలల తరబడి ట్రెండింగ్‌లో ఉంటున్నాయి. ఈక్రమంలోనే అలాంటి ఘన సాధించిన మరో చిత్రం “హనీమూన్ ఎక్స్‌ప్రెస్”. చైతన్య రావు, హెబ్బా పటేల్ జంటగా నటించిన ఈ చిత్రం తొలత థియేటర్స్ లో రిలీజ్ అయినా ఆశించిన ఫలితం దక్కలేదు. కానీ అదే హనీమూన్ ఎక్స్‌ప్రెస్ ఓటీటీలో రిలీజ్ అయితే టాప్ ట్రెండింగ్స్ లో ఒకటిగా నిలిచింది. 30వెడ్స్ 21 అనే వెబ్ సిరీస్ తో యూత్ కి బాగా దగ్గరైన చైతన్య రావు. తొలిసారి ఈ హనీమూన్ ఎక్స్‌ప్రెస్ హీరోగా తన అదృష్టాన్ని పరీక్షించుకున్నారు. ఆ కష్టానికి తగ్గ ఫలితం బానే దక్కింది. హెబ్బా పటేల్ గ్లామర్ షో ఈ “హనీమూన్ ఎక్సప్రెస్” కి ఆయువుపట్టు. అటు హీరో చైతన్య రావు తన రొమాంటిక్ యాంగిల్ తో రెచ్చిపోయాడు. చైతన్య రావ్, హెబ్బా పటేల్ రొమాన్స్ దాటికి ఆహా
ఓటీటీ మిలియన్ వ్యూస్ తో దద్దరిల్లిపోయింది. ఏకంగా 70 మిలియన్స్ వ్యూస్ సాధించి సరికొత్త రికార్డు సెట్ చేసింది.
‘హనీమూన్ ఎక్స్‌ప్రెస్’ చిత్రాన్ని కేకేఆర్, బాల రాజ్ నిర్మించగా.. బాల రాజశేఖరుని దర్శకత్వం వహించారు. ఈ చిత్రానికి కళ్యాణీ మాలిక్ అందించిన సంగీతం స్పెషల్ అట్రాక్షన్‌గా నిలిచింది. సిస్ట్లా వీఎంకే కెమెరా పనితనానికి మంచి మార్కులు పడ్డాయి. ప్రేమ, పెళ్లి, విడాకులు అనే మూడు అంశాలను ఈ తరం యువతకి తగట్టుగా హెబ్బా పటేల్ గ్లామర్ డోస్ ని ఆడ్ చేసి ప్రేక్షకుల్ని విశ్లేషంగా ఆకట్టుకున్నారు మూవీ యూనిట్. ఇన్నాళ్లు వెబ్ సిరీస్ లతో ఆకట్టుకున్న చైతన్య రావు ఈ “హనీమూన్ ఎక్సప్రెస్” తో నటుడిగా మరో మెట్టు పైకెక్కినట్టే. బిగ్ స్క్రీన్ పై హీరోగా నిలదొక్కుకోవాలన్న తన కల ఈ సినిమాతో చాలా వరకు సఫలమయ్యాడు.
