‘వోక్స్ బీట్స్’ లో విడుదలైన ‘సూపర్ స్టార్ కృష్ణ’గారి ‘ట్రిబ్యూట్’ సాంగ్
తెలుగు పరిశ్రమకు సరికొత్త టెక్నాలెజి అందించిన లెజెండ్ సూపర్ స్టార్ కృష్ణ. మొదటి స్టీరియో సౌండ్, 70 MM, సినిమా స్కోప్, జేమ్స్ బాండ్, కౌబోయ్..ఇలా కొత్త టెక్నాలెజిని తెలుగు ఖ్యాతిని పెంచిన కథానాయకుడి జయంతి నేడు (మే 31). సూపర్ స్టార్ కృష్ణగారి జయంతిని పురస్కరించుకుని ఆయన అభిమానులు జయంతి వేడుకలను ఘనంగా నిర్వహించారు. నిర్మాత తమ్మారెడ్డి భరద్వాజ ముఖ్య అతిధి గా అలాగే, సూపర్ స్టార్ కృష్ణ పర్సనల్ మేకప్ మ్యాన్ మాధవరావుని మరియు కృష్ణ జీవిత చరిత్ర “దేవుడు లాంటి మనిషి” వ్రాసిన సీనియర్ జర్నలిస్ట్ వినాయకరావుని అభిమానులు సత్కరించారు. అనంతరం, కృష్ణ గారి అభిమానులు ట్రిబ్యూట్ సాంగ్ ని ‘వోక్స్ బీట్స్’ యు ట్యూబ్ ఛానెల్ లో రీలిజ్ చేసారు. అదే విధంగా కృష్ణగారి జయంతిని పురస్కరించుకుని అప్పటి పాపులర్ సినిమా ‘మోసగాళ్లకు మోసగాడు’ చిత్రాన్ని సరికొత్త హంగులతో రీ రిలీజ్ చేస్తున్నట్లుగా నిర్మాత తమ్మారెడ్డి భరద్వాజ తెలిపారు.
తమ్మారెడ్డి భరద్వాజ: ఆయన ఉన్నప్పుడు ప్రతి సంవత్సరం పుట్టినరోజు చేసుకునే వాళ్లం. ఇప్పుడు జయంతి జరుపుకుంటున్నాం.
ఇది కృష్ణగారి 81వ పుట్టినరోజు. ఆయన మన మధ్య లేనప్పటికీ సినిమాలతోనూ, వ్యక్తిత్వంతోనూ ఎప్పుడూ మన మధ్యనే ఉంటారు. ఆయన జీవితాన్ని పుస్తకంగా తెచ్చిన వినాయకరావుగారిని మరియు రూపశిల్పి మాధవరావుగారిని అభిమానులు నన్ను సత్కరించడం చాలా సంతోషం. ఆ రోజుల్లో ప్రపంచమంతా విడుదలైన సినిమాని ఇప్పుడు కొత్త టెక్నాలజీతో ప్రపంచవ్యాప్తంగా ఆయన జయంతిని పురస్కరించుకుని ‘మోసగాళ్లకు మోసగాడు’ చిత్రాన్ని రీ రిలీజ్ చేస్తున్నాం.
కృష్ణగారి పర్సనల్ మేకప్ మ్యాన్ మాధవరావు: మే 31న కృష్ణగారి పుట్టినరోజును ఆయన ఎక్కడ ఉన్నా కూడా కనుల పండుగగా చేసుకునే వాళ్లం. ఫ్యాన్స్ అందరికీ ఆ రోజు పండగే. ఆయన ఆత్మ ఎక్కడున్నా కూడా శాంతియుతంగా ఉండాలని, సినిమా పరిశ్రమ ఉన్నంతకాలం ఆయన బతికే ఉంటారని తెలిపారు.
సీనియర్ జర్నలిస్ట్ వినాయకరావు: ‘‘మే 31న కృష్ణగారు ఊటీలో ఉన్నా కూడా ఫ్యాన్స్ వెళ్లి పుట్టినరోజు వేడుకను జరిపేవారు. ఆయన లేకుండా జరుగుతున్న మొట్టమొదటి జయంతి ఇది. అభిమానులు కలకాలం గుర్తుంచుకునేలా ఆయన పుట్టినరోజును సెలబ్రేట్ చేసిన సిరాజ్‌గారికి, ఖాదర్ ఘోరీ‌గారికి ధన్యవాదాలు. అభిమానులు ఎలా అయితే ఆయనని ప్రేమిస్తారో, ఆయన కూడా అభిమానులను అంతే ఇష్టపడతారు.
