జూన్ 5న వణుకు పుట్టించడానికి సిద్ధం కానున్న ‘సైతాన్’ ట్రైలర్
టాలెంటెడ్ దర్శకుడు ‘మహి వి రాఘవ్’ తెరకెక్కిస్తున్న లేటెస్ట్ వెబ్ సిరీస్ ‘సైతాన్’. ఇటీవల మోషన్ పోస్టర్ సోషల్ మీడియాలో వైరల్ గా మారింది. టైటిల్ కి తగ్గట్లుగా ఓళ్ళు గగుర్పొడిచేలా మోషన్ పోస్టర్ కనపడుతుంది. ఇప్పటికే, వెబ్ సిరీస్ పై మంచి బజ్ ఏర్పడింది. ‘మీరు దాన్ని నేరం అని అంటే..వాళ్ళు మనుగడ కోసం అని అంటారు’ అనే థీమ్ తో ఈ సిరీస్ తెరకెక్కించారు.
మోషన్ పోస్టర్ లో ఫ్యామిలీ తమ మనుగడ కోసం ఏం చేయడానికైనా, ఎలాంటి నేరం చేయడానికి అయినా సిద్ధం అయినట్లు కనిపిస్తున్నారు. ప్రతి నటుడు మూవీ పోస్టర్ మీద ప్రేక్షకుడిని భయానకం కలిగించే హావభావాలతో ఎట్ట్రాక్ట్ చేస్తున్నారు. అసలు అలా ఎందుకు మారారు? వారి ఫ్యామిలి బ్యాగ్రౌండ్ ఏంటి ? అనేది ఈ వెబ్ సిరీస్ చూసి తెలుసుకోవాలి.
ఈ వెబ్ సిరీస్ లో రిషి,షెల్లీ, దేవియాని, జాఫర్ చాలా ఇంటెన్స్ రోల్స్ లో నటించారు. మోషన్ పోస్టర్ ఇంపాక్ట్ క్రియేట్ చేసినందుకు దర్శకుడు మహి వి రాఘవ్ హర్షం వ్యక్తం చేస్తున్నారు.
అలాగే, జూన్ 5న సైతాన్ ట్రైలర్ రిలీజ్ కానుంది. కానీ దర్శకుడు చిన్న హెచ్చరిక జారీ చేశారు. ఈ వెబ్ సిరీస్ చాలా వైలెంట్ గా ఉండబోతోంది అని మహి వి రాఘవ్ అన్నారు. సైతాన్ వెబ్ సిరీస్ వెన్నులో వణుకు పుట్టించే క్రైమ్ డ్రామాగా అలరించబోతోంది. డిస్నీ ప్లస్ హాట్ స్టార్ లో జూన్ 15 నుంచి స్ట్రీమింగ్ కానుంది.
