జూన్ 7 నుంచి జీ 5లో ‘సిర్ఫ్ ఏక్ బందా కాఫీ హై’ వెబ్ ఫిల్మ్‌ స్ట్రీమింగ్
విల‌క్ష‌ణ‌మైన పాత్ర‌ల‌తో అటు ఉత్త‌రాది, ఇటు ద‌క్షిణాది కూడా త‌న‌దైన గుర్తింపు తెచ్చుకున్న న‌టుడు ‘మ‌నోజ్ బాజ్‌పాయి’ ప్ర‌ధాన పాత్ర‌లో నటించాడు. ప్ర‌ముఖ నిర్మాణ సంస్థ ‘జీ స్టూడియోస్’తో పాటు ‘భన్సాలి స్టూడియోస్’ బ్యాన‌ర్స్‌పై వినోద్ భన్సాలి, క‌మ‌లేష్ భన్సాలి, విశాల్ గుర్నాని, అసిఫ్ షేక్ ఈ చిత్రాన్ని నిర్మించారు. అపూర్వ సింగ్ క‌ర్కి ద‌ర్శ‌క‌త్వం వ‌హించారు. హిందీలో బ్లాక్ బస్టర్ విజయాన్ని సాధించిన ఈ చిత్రం యూనిక్ కాన్సెప్ట్‌తో రూపొందటంతో దీన్ని జూన్ 7న తెలుగు, త‌మిళంలోనూ రిలీజ్ చేస్తున్నారు. అందులో భాగంగా ‘సిర్ఫ్ ఏక్ బందా కాఫీ హై’ ట్రైల‌ర్‌ను తెలుగు, త‌మిళ భాష‌ల్లో రిలీజ్ చేశారు.
ట్రైల‌ర్‌ లో నిజ ఘ‌ట‌న‌లు ఆధారంగా ఈ వెబ్ ఫిల్మ్‌ను తెర‌కెక్కించారు. ‘నూసిన్’ అనే మైన‌ర్ బాలిక‌తో ఓ స్వామిజీ త‌ప్పుగా ప్రవర్తిస్తారు. దీంతో ఆ అమ్మాయికి అండ‌గా లాయ‌ర్ సోలంకి (మ‌నోజ్ బాజ్‌పాయి) నిల‌బ‌డ‌తాడు. మ‌రి ఆ కేసులో గెలిచింది ఎవ‌రు? స్వామీజీకి శిక్ష ప‌డిందా? అనేది ఆస‌క్తిక‌రంగా సినిమా చూడాల‌నే ఎగ్జ‌యిట్మెంట్ మ‌రింత పెంచుతుంది.
సోసైటీలో కొంద‌రు మంచి అనే ముసుగు వేసుకుని చెడు ప‌నులు చేస్తుంటారు. అలాంటి ఓ బాబా ఓ మైన‌ర్ బాలికను ఇబ్బంది పెడ‌తాడు. ఆ అమ్మాయి ధైర్యంగా ఆయ‌న‌పై ఫిర్యాదు చేస్తుంది. అయితే స‌ద‌రు బాబా అనుంగ భ‌క్తులు ఆ అమ్మాయిపై ఎదురు దాడికి దిగుతారు. అప్పుడు ఓ లాయ‌ర్, ఆ అమ్మాయి త‌ర‌పున నిల‌బ‌డి ఎలాంటి న్యాయం చేశాడ‌నే అనేదే ఈ చిత్రం. ఈ సినిమా ద్వారా అందరిలో సోష‌ల్ అవేర్‌నెస్‌ను క‌లిగించే చిత్రం అవ్వుతుంది.
న‌టీన‌టులు:
పి.సి.సోలంకి పాత్ర‌లోమ‌నోజ్ బాజ్‌పాయ్‌, నూసిన్‌గా అడ్రిజ, స్వామిజీగా సూర్య మోహ‌న్‌, అమిత్ నిహాగ్‌గా నిఖిల్‌ పాండే, చంచ‌ల్ మిశ్రాగా ప్రియాంక సేథియ, నూసిల్ తండ్రి పాత్ర‌లో జైహింద్ కుమార్‌, నూసిల్ త‌ల్లి పాత్ర‌లో దుర్గా శ‌ర్మ త‌దిత‌రులు
సాంకేతిక వ‌ర్గం:
బ్యాన‌ర్స్‌: జీ స్టూడియోస్, భన్సాలి స్టూడియోస్ లిమిటెడ్‌
నిర్మాత‌లు: వినోద్ భన్సాలి, క‌మ‌లేష్ భన్సాలి, విశాల్ గుర్నాని, అసిఫ్ షేక్
ద‌ర్శ‌క‌త్వం: అపూర్వ సింగ్ క‌ర్కి
క్రియేటివ్ ప్రొడ్యూస‌ర్‌: సుప‌ర్ణ్ ఎస్‌.వ‌ర్మ
కో ప్రొడ్యూస‌ర్‌: జూహీ ప‌రేక్ మెహ‌తా
డైరెక్ట‌ర్ ఆఫ్ ఫొటోగ్ర‌ఫీ: అర్జున్ కుక్రేటి
రైట‌ర్‌: దీప‌క్ కింగ్రాని
