ఎన్టీయార్ అభిమానులు అరాచకం
అభిమానం అంటేనే దానికి హద్దు ఉండదు. అలాంటిది తమ అభిమాన హీరో చిత్రం నుంచి అప్డేట్స్ బయటకి రాకపోతే ఆ అభిమానులు చేసే వింత చేష్టలకి కొన్ని సార్లు నవ్వుతో పాటు, కోపం వచ్చినా కొన్ని సార్లు ముచ్చటేస్తోంది.
అసలు మ్యాటర్ లోకి వెళ్తే, జూనియర్ నందమూరి తారక రామారావు కథానాయకుడిగా, దివంగత నటి శ్రీదేవి పెద్ద కూతురు ఝాన్వీ కపూర్ నటిగా పరిచయం అవుతున్న చిత్రం దేవర. ఈ చిత్రం పూజా కార్యక్రమం అయినప్పటినుంచి తమ అభిమాన నటుడు ఎలా ఉంటాడో అని అతృతతో వేయి కళ్లతో ఎదురు చూస్తున్నారు. దర్శకుడు కొరటాల శివ నుంచి, నిర్మాణ సంస్థ మైత్రి నుంచి దాకా ఎలాంటి అప్డేట్ లేకపోవటం తో తమ అభిమాన నటుడు ఇలానే ఉండబోతున్నాడు అని ఒక చిత్రాన్ని విడుదల చేసారు. సోషల్ మీడియా లో అది హల్చల్ చేస్తోంది. కొందరు అయితే దేవర చిత్రం షూటింగ్ లో ప్రకృతి హీరో ముఖ చిత్రంలాగా కనిపించింది అని చెప్తున్నారు. మొదట అది నిజం అని నమ్మినా తరువాత అసలు నిజం బయటకొచ్చింది.
కొంతమంది తారక్ అభిమానులు క్రేయా అనే ఆర్టిఫిషల్ ఇంటలిజెన్స్ టూల్ ఉపయోగించి, దేవర చిత్రం మరియు తారక్ ఎలా ఉండబోతున్నాడు అనే విషయాన్ని ఆ టూల్ కి ఇచ్చారు. దాని ద్వారా ఆ టూల్ రూపొందించిన చిత్రమే మనం చూస్తున్న చిత్రం. అభిమానం కట్టలు తెంచుకుంటే ఇలానే ఉంటుంది మరి.
పోనుపోను ఇంకా క్రియేటివిటీ చూపించేలా ఉన్నారు అభిమానులు. ప్రొడక్షన్ హౌస్ నుంచి అఫీషియల్ ఫోటోలు రాకపోతే ఇంకెన్ని ఇలాంటివి చూడాలో మరి. ఇప్పటికైనా అభిమానులకి కావలసింది ఇస్తే మంచిది.
