కొత్త దర్శకులు, నటి నటులు తమ సామర్ధ్యాన్ని సినిమా రంగం ద్వారా తమ టాలెంట్ ని నిరూపించుకుంటున్నారు. ఈ మధ్య చిన్న సినిమాలుగా వచ్చి, పెద్ద ఆదరణ పొందిన చిత్రాలు లేకపోలేదు. అలాంటి తరహాలోనే, చిన్న సినిమాగా మన అందరిని అలరించడానికి వస్తున్న సినిమా “సగిలేటి కథ”.
యూట్యూబ్ స్టార్ నటుడు రవి మహాదాస్యం ఈ సినిమాతో పరిచయం అవుతున్నారు. విషిక కోట హీరోయిన్ గా నటిస్తుండగా, దర్శకత్వం, కూర్పు, ఛాయాగ్రాహకుడు రాజశేఖర్ సుద్మూన్. హీరో నవదీప్ తన సి స్పేస్ సంస్థ తరపున ఈ చిత్రాన్ని సమర్పిస్తున్నారు. షేడ్ ఎంటర్టైన్మెంట్ మరియు అశోక ఆర్ట్ సంస్థలు సంయుక్తంగా నిర్మిస్తున్నాయి. దేవి ప్రసాద్ బలివాడ, అశోక్ మిట్టపల్లి, నిర్మాతలుగా వ్యవహరిస్తున్నారు. ఈ చిత్రం ఇటీవలే సెన్సార్ సర్టిఫికేషన్ పూర్తిచేసుకుని,
U /A తో అక్టోబర్ 13 వ తేదీన విడుదల అవ్వటానికి సిద్ధంగా ఉంది.
తెలుగు ప్రజలు, కొత్తవాళ్ళని కూడా మంచి కథతో, నటనా సామర్ధ్యంతో వస్తే ఆదరిస్తారు. చాల సార్లు అది నిరూపించారు కూడా. ఈ సారి రాజశేఖర్ చేసే ఈ ప్రయత్నాన్ని కూడా తెలుగు సినీ ప్రియులు ఆదరిస్తారు అనే అనిపిస్తోంది. ఇటీవల విడుదల అయినా ట్రైలర్ కి మంచి స్పందన వచ్చింది. రవితేజ నటన మనకి చాలా బాగా తెలుసు. కొన్ని చిత్రాలలో హీరో కి ఫ్రెండ్ క్యారెక్టర్ కూడా చేసారు ఆయన. మంచి సామర్ధ్యం ఉన్న నటుడు. ఈ చిత్రానికి సంబంధించి విడుదల తేదీని ప్రకటించటానికి ఒక చిన్న ప్రోమో చిత్ర బృందం విడుదల చేసింది.
అందులో హీరో రవితేజ, నటి విషిక, దర్శకుడు రాజశేఖర్ మధ్య ఒక చిన్న చిలిపి తగువులాటగా మొదలుపెట్టి, నవదీప్ ఎంట్రీ తో, చిత్ర విడుదల తేదీ చెప్పటం, ఒక చిన్న హాస్యపూరితమైన సన్నివేశంతో విడుదల తేదీ చెప్పటం జరిగింది. మొత్తానికి ఈ చిత్రం అక్టోబర్ 13వ తేదీన రాబోతోంది. చిత్ర బృందానికి విజయం చేకూరాలని మనస్ఫూర్తిగా కోరుకుందాం.
