పవన్ కళ్యాణ్ గారి సినిమా విడుదల అవుతోంది అంటే ఒక పెద్ద పండగలాంటిదే. అలాంటిది మొట్ట మొదటిసారి ఆయన ఒక పోరాట యోధుడిగా ఒక హిస్టారిక్ సినిమా చేస్తున్నారు అంటే ఆనందానికి అవధులు ఉండవు. క్రిష్ దర్శకత్వంలో 2021 లో మొదలైన చిత్రం “హరి హర వీరమల్లు”. నిధి అగర్వాల్ కథానాయకి, బాలీవుడ్ నటుడు బాబీ డియోల్ ముఖ్య భూమిక పోషిస్తున్నారు. దిషా పఠాని ముఖ్య పాత్ర పోషిస్తున్నారు. కీరవాణి గారు సంగీతం అందిస్తున్నారు ఈ చిత్రానికి, మెగా సూర్య ప్రొడక్షన్స్ బ్యానర్ నిర్మిస్తోంది ఈ చిత్రాన్ని. ఎప్పటినుంచో నిర్మాణ దశలో ఉన్న ఈ చిత్రం నుంచి ఎలాంటి తదుపరి సమాచారం లేకపోవటంతో ఈ చిత్రం ఆగిపోయిందేమో అనే ఊహాగానాలు కూడా ఉన్నాయి.
అలాంటిది ఇప్పుడు ఈ చిత్రం నుంచి ఒక ఆసక్తికర అప్డేట్ వచ్చింది. ఎప్పుడో విడుదల అవ్వాల్సిన చిత్రం, దాని తరువాత మొదలైన చిత్రాల కన్నా వెనుకపడి ఉంది. కారణాలు ఏమయినప్పటికీ ఇంకా నిర్మాణ దశలోనే ఉంది అని చెబుతూనే ఉన్నారు చాలామంది. ఇప్పుడు ఈ చిత్రం బృందం ఇచ్చిన అప్డేట్ ప్రకారం, త్వరలోనే పవన్ కళ్యాణ్ గారికి సంబందించిన వీడియో విడుదల చేస్తామన్నారు, గ్రాఫిక్స్ పనులు ముమ్మరంగా సాగుతున్నాయి అని కూడా వెల్లడించారు. గ్రాఫిక్స్ పనితనం చూసి అబ్బురపడతారు అని కూడా వెల్లడించారు చిత్ర బృందం. అసల ఆగిపోయింది అనుకున్న చిత్రం నుంచి అప్డేట్ రావటంతో ఫాన్స్ సంబరాలు చేసుకుంటున్నారు. చూడాలి, గ్రాఫిక్స్ పని తనం ఎలా ఉండబోతోందో, ఎటువంటి టీజర్ విడుదల చేస్తారో!
