సందీప్ కిషన్ హీరోగా “ఎక్కడికి పోతావ్ చిన్నవాడా” ఫేమ్ వి.ఐ.ఆనంద్ దర్శకత్వం లో “ఊరి పేరు భైరవకోన”అనే సినిమా ఈ నెల 16న రాబోతుంది. రిలీజ్ కి ఇంకెంతో టైం లేకపోవడంతో చిత్రయూనిట్ అంతా ప్రొమోషన్స్ తో బిజీగా ఉన్నారు. ఇంకా ఈ చిత్ర నిర్మాత “రాజేష్ దండా” ప్రొమోషన్స్ లో భాగంగా ఓ ఇంటర్వ్యూ లో పాల్గొన్నారు. ఈ సినిమాకి సంబంధించి కొన్ని ఆసక్తికరమైన విషయాలు పంచుకున్నారు.అందులో ఒకటి ఈ సినిమాకీ సంబంధించిన షూటింగ్ చాలా వరకు ఆచార్య సినిమా వేసిన సెట్లోనే చిత్రీకరించాము అని చెప్పారు.ఈ సినిమా కధ ఆచారాలు, మూఢనమ్మకాలు, గుళ్ళు, గోపురాలు చుట్టూనే తిరగడంతో ఆచార్య సెట్ ను ఈ సినిమా కధకి తగ్గట్టు కొన్ని మార్పులు చేసి వాడుకున్నారట.
కొరటాల శివ దర్శకుడిగా మెగా స్టార్ చిరంజీవి గారితో చేసిన ఆచార్య చిత్రం కూడా దేవుడి చుట్టూ, సంప్రదాయాల చుట్టూ తిరుగుతుంది కొంత మేరకు. అందుకని అదే సెట్ అయితే ఉపయోగ పడుతుంది అనుకుని, కావలసిన పర్మిషన్ అన్నీ తీసుకుని, ఈ చిత్రంలోని సన్నివేశాలను అక్కడ చిత్రీకరించారు. ఈ సినిమాలో వర్ష బొల్లమ్మ హీరోయిన్ గా చేస్తున్నారు. ఈ సినిమా ట్రైలర్ ఆసక్తికరంగా ఉండడం పైగా డైరెక్టర్ వి.ఐ.ఆనంద్ కావడంతో ఈ సినిమా కోసం ప్రేక్షకులు ఎంతో ఆతృతగా ఎదురుచూస్తున్నారు.
