గూఢచారి లోకి బాలీవుడ్ రోమియో!

2018లో వచ్చిన గూఢచారి ఎంత పెద్ద హిట్టో అందరికి తెలుసు. అప్పటిదాకా చిన్న చిన్న రోల్స్ సైడ్ క్యారెక్టర్స్ చేసుకుంటూ వస్తున్న అడివి శేష్ కీ హీరోగా బ్రేక్ ఇచ్చింది మాత్రం ఈ సినీమానే. అసలు ఏమాత్రం అంచనాలు లేకుండా వచ్చిన ఈ సినిమా మంచి విజయం సాధించింది. స్పై సస్పెన్స్ జోనర్ సినిమాల్లోనే ఈ సినిమా ఒక ట్రెండ్ సెట్టర్. ఈ తరహా సినిమాలు అప్పట్లో సూపర్ స్టార్ కృష్ణ చేసేవారు ఇప్పుడు అడివి శేష్ చేస్తున్నాడు. మరి ఇలాంటి సినిమాకు G2 పేరుతో సీక్వెల్ రాబోతుంది. ఫస్ట్ పార్ట్ కేవలం తెలుగు వరకే పరిమితమైన, సెకండ్ పార్ట్ ని మాత్రం గ్రాండ్ గా ప్లాన్ చేస్తున్నారు. అందుకు గాను ఈ సినిమాకీ సంబంధించిన ప్రతి విషయాన్నీ పాన్ ఇండియా లెవెల్లో రీచ్ అయ్యేలా జాగ్రత్తలు తీసుకుంటున్నారు. పైగా ఈ సినిమా కథ కుడా పాన్ ఇండియా మార్కెట్ కు సరిగ్గా సరిపోవడంతో టెక్నిషన్స్ కూడా పాన్ ఇండియన్ టెక్నిషన్స్ నే తీసుకుంటున్నారు. తాజాగా ఈరోజు ఈ సినిమాకి సంబంధించి ఒక కీలక అప్డేట్ బయటికొచ్చింది. బాలీవుడ్ స్టార్ యాక్టర్స్ లో ఒకరైన “ఇమ్రాన్ హష్మి” ఈ సినిమాలో ఒక కీలక రోల్ చేస్తున్నట్లు ఈరోజు అధికారంగా ప్రకటించింది చిత్రయూనిట్. ఇమ్రాన్ హష్మి ఇప్పటికే తెలుగులో పవన్ కళ్యాణ్ సినిమా OG లో ఓ కీలకపాత్ర పోషిస్తుండగా G2 అతనికి రెండో తెలుగు సినిమా కానుంది. ఇప్పటికీ మంచి అంచనాలున్న ఈ సినిమా పై ఇమ్రాన్ హష్మి రాకతో అంచనాలు మరింత పెరిగాయి. నిర్మాతలు అనిసుంకర మరియు అభిషేక్ నామా సంయుక్తంగా ఈ సినిమాని భారీ బడ్జెట్ తో నిర్మిస్తున్నారు. ఈ సినిమాని ఈ సంవత్సరమే విడుదల చేయడానికి సన్నాహాలు జరుగుతున్నాయి.