నేచురల్ స్టార్ నాని జోరు మాములుగా లేదు. గత రెండేళ్లుగా పట్టిందల్లా బంగారమవుతుంది. “దసరా”, “హాయ్ నాన్న”, “సరిపోదా శనివారం” ఇలా వరుస విజయాలతో దూసుకుపోతున్న నేచురల్ స్టార్ నాని ఇప్పుడు తన ఫోకస్ అంతా 32వసినిమా పై పెట్టాడు. 2020 శైలేష్ కొలను దర్శకత్వంలో వచ్చిన హిట్ ఎంత పెద్ద హిట్టో అందరికి తెలుసు. విశ్వక్ సేన్ లీడ్ రోల్ లో వచ్చిన హిట్ ప్రేక్షకులకి మంచి సస్పెన్స్ థ్రిల్లర్ మజా రుచి చూపించింది. దానికి కొనసాగింపుగా అడివి శేష్ హీరోగా 2022లో వచ్చిన హిట్-2 కూడా పార్ట్-1 మించి సూపర్ హిట్ సాధించింది. ఇలా వరుసగా విశ్వక్ సేన్, అడివి శేష్ లతో సూపర్ థ్రిల్ చేసిన దర్శకుడు శైలేష్. ఈసారి పార్ట్ -3 లో నాని తో మరింత థ్రిల్ చేయడానికి రెడీ అయిపోయాడు. డాక్టర్ శైలేష్ కొలను దర్శకత్వం వహిస్తున్న ఈ చిత్రాన్న యునానిమస్ ప్రొడక్షన్స్‌తో కలిసి వాల్ పోస్టర్ సినిమాపై ప్రశాంతి తిపిర్నేని నిర్మిస్తున్నారు. ఈ సినిమా షూటింగ్ వైజాగ్‌లో జరుగుతోంది.
ఈ సినిమాలో నాని సరసన హీరోయిన్ గా కేజీఎఫ్ ఫేమ్ శ్రీనిధి శెట్టి నటిస్తోంది. సినిమాలో ఆమె పాత్రకు చాలా ఇంపార్టెన్స్ ఉంటుంది. వైజాగ్‌లో జరుగుతున్న హిట్-3 షెడ్యూల్‌లో శ్రీనిధి శెట్టి గ్రాండ్ ఎంట్రీ ఇచ్చారు . ప్రస్తుతం టీమ్ లీడ్ పెయిర్- నాని, శ్రీనిధి శెట్టికి సంబంధించిన ముఖ్యమైన సన్నివేశాలను చిత్రీకరిస్తున్నారు మూవీ యూనిట్.హిట్ ఆఫీసర్‌గా నాని క్యారెక్టర్ ని పరిచయం చేసిన గ్రిప్పింగ్ గ్లింప్స్ కి ట్రెమండస్ రెస్పాన్స్ వచ్చింది. నాని మేకోవర్, ఇంటెన్స్ స్క్రీన్ ప్రెజెన్స్ అందరినీ సర్ ప్రైజ్ చేసింది.ఈ చిత్రానికి టాప్ టెక్నిషియన్స్ పని చేస్తున్నారు. ప్రముఖ డీవోపీ సాను జాన్ వర్గీస్ సినిమాటోగ్రఫి అందిస్తున్నారు. మిక్కీ జె మేయర్ మ్యూజిక్ సమకూరుస్తున్నారు. ఈ మూవీకి కార్తీక శ్రీనివాస్ ఆర్ ఎడిటర్, శ్రీ నాగేంద్ర తంగాల ప్రొడక్షన్ డిజైనర్. ఇన్ని భారీ హంగుల మధ్య షూటింగ్ జరుపుకుంటున్న ఈ చిత్రం ప్రపంచవ్యాప్తంగా వచ్చే సమ్మర్ కానుకగా 1మే 2025 న గ్రాండ్ రిలీజ్ కాబోతుంది.
