నాయక్ నహి ఖల్ నాయక్ హు మెయి.. మరి ఈ పాట ని నిజం చేస్తూ ఖల్ నాయక్ చిత్రం లో హీరో జాకీ షరాఫ్ విలన్ గా మారి మన ముందుకు వస్తున్న చిత్రం “బేబీ జాన్”. ఇప్పటికే ఈ చిత్రం పై ప్రేక్షకుల్లో ఎక్సపెక్టషన్స్ ని భారీగా పెంచేసింది, అందులోను మన సౌత్ ఇండియన్ స్టార్ కధానాయిక కీర్తి సురేష్ హీరోయిన్ గా నటిస్తుండడంతో అటు బాలీవుడ్ లో మాత్రమే కాకుండా సౌత్ లో కూడా ఈ సినిమా పై మంచి అంచనాలు ఏర్పడ్డాయి.
“బేబీ జాన్” చిత్రం తమిళంలో అల్ టైం బ్లాక్బస్టర్స్ లో ఒకటిగా నిలిచిన తేరి రీమేక్ కావడం మరో విశేషం. 2016 అట్లీ డైరెక్షన్ లో విడుదలైన ‘తేరి’ చిత్రం విజయ్ దళపతి ని స్టార్ హీరో ని చేయడంలో కీలక పాత్ర పోషించింది. మరి అలాంటి చిత్రానికి రీమేక్ వస్తున్నా ఈ చిత్రం ఇటీవలే టీజర్ విడుదలై అందరిని ఆకట్టుకుంది. టీజర్ ని చూస్తే మాత్రం బాలీవుడ్ ప్రేక్షకులకి అనుగుణంగా కధ లో మార్పులు చేసారు అని స్పష్టంగా అర్ధమవుతుంది, మరి తేరి అంచనాలకి తగట్టు అంచనాలని అందుకుంటుందా? లేదా?, ఇందులో చేసిన మార్పులు ట్విస్టులు ఏంటి తెల్సుకోవాలి అంటే డిసెంబర్ 25వరకు ఆగాల్సిందే.
ఇకపోతే ఇటీవలే రిలీజ్ ఐన “గ్లింప్సెస్ అఫ్ బబ్బర్ షేర్” నెట్టింట్లో తెగ హల్చల్ చేస్తుంది. హీరో గా ఫ్యాన్ బేస్ ఉండడం వేరు, అదే హీరో విలన్ గా చేసి ప్రేక్షకులని మెప్పించి ఫ్యాన్ బేస్ సంపాదించుకోడం వేరు. తన విలక్షణ నటన తో పాత్ర ఏదైనా నటుడి గా 100% ఇచ్చి సెపరేట్ ఫ్యాన్ బేస్ సంపాదించుకున్నారు మన జాకీ షరాఫ్. అందుకే బబ్బర్ షేర్ కి ఫిదా అయిపోయాం అంటున్నారు నెటిజన్స్. బబ్బర్ షేర్ లుక్స్ ఆటిట్యూడ్ మానరిజమ్స్ కి మన థమన్ అందించిన అద్దిరిపోయే బ్యాక్ గ్రౌండ్ మ్యూజిక్ తోడై “బేబీ జాన్” రిలీజ్ డేట్ కోసం ఎదురు చూసేలా చేస్తుంది ఈ బబ్బర్ షేర్ గ్లింప్సెస్ వీడియో.
